اليتيم.........

[شمــوخ]

تدري وش اللي يجرح القلب جرحين.................ويمد حبـل الحـزن فيـك ويشـده
انك تناظر طفل مـن غيـر ابويـن.....................يمشي ودمعـة سايـل فـوق خـده
منظر صعيب ويقسم القلـب قسميـن.................لا قـام يمسـح دمعـة بكـف يـده
يمشي ولا يدري طريقه علـى ويـن...................لين التعب من كثـر مـا تـاه هـده
اثقل حـروف يشيلهـا فيـة حرفيـن........................لا أب يـدريـبـه ولا أم تـــرده
في خطوته رحلـة ودمعـه وسكيـن.....................وحـظ توسـد بالمراسـي مـخـده
جيت اسألـة بالله قللـي ولـد ميـن..................وبغي يجاوب واختنـق صـوت رده
أنـا يتيـم ومـا لدربـي عنـاويـن......................وجزر الحزن فينـي يسـاوي لمـده
وطعم الطفوله ما عرفته لهـا لحيـن................وثوب السعادة صـرت مانيـب قـده
ابكي إلى من شفت غيـري سعيديـن....................ليـن البكـا فينـي يوصـل لحـده
واقفي ورحت امسح دموعي من العين..............وعيني تناظـر دمعتـه فـوق خـده
وهذا اللي يجـرح القلـب جرحيـن...................ويمد حبل الحـزن غصـب ويشـده

[mohsin]

تسلمي اخت شموخ
و الله قصيدة روعة

[السالك]

قصيدة رائعة والاروع قلبك الحنون على الطفل اليتم
رائعة كعادتك يا شموخ

[شمــوخ]

المشاركة الأصلية كتبت بواسطة mohsin [عزيزي الزائر يتوجب عليك التسجيل للمشاهدة الرابطللتسجيل اضغط هنا]

تسلمي اخت شموخ
و الله قصيدة روعة

وجودك الاروع لاعدمناتواجدكم