..ماتغير شي لكن..صار فاضي هالمكان.., عجبتني ... منقول ...

[YoOo YoOo]

ما تغيَّر شيء .. لكن .. صار فاضي هـ المكـان
يعني إنتَ شفت قلبي رحت مِنْ عيني وعينـه

•

كان لك قلبي مدينه ولاحظ إني قلت : كان
يعني إنتَ الحين واحد خارج حدود المدينه

•

ليش مستغرب كلامي وليـش أعطيـك الأمـان
وليش تَكْذِب في كلامك العـذر وينـك ووينـه

•

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

•

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

•

جرحي ما يرضيه قلبك لو يجـي كلِّـه حنـان
لو تبوس الجرح فينا ولـو تقبلهـا إيدينـه

•

يُوم أحبك قلت كلمه : يكرَم المرء أو يُهان
وإنتَ قلبي ما كرمته وما قدرت إنِّـك تهينـه

•

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بـفراقـك يعينـه

•

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

•

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

•

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

•

في عيون الناس عادي بس في عيني جنـان
وكان قلبي من يشوفك تفضحه نظـره حنينـه

•

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

•

الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

•

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

•

جاي تسأل عن مكانك !! هو بقى فيني مكان ؟
الله يرحمها للمشاعر اللي كانت لـك رهينـه

•

قلت لك [ قلبي مدينه ] فيها لك حشمه وشـان
لكن إنتَ الحين أغرب شخص في هالمدينــه ..


•

[TakEmpire]

رااائع مانقلت تسلم

[YoOo YoOo]

تسلم غلاك يا الغالي

[No L!m!t]

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

•

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

•


رائعه والاروع نقلك لها..

بابل..


سلمت يداك

[السفاح]

مشكووورعلى الموضوع الجميلة والله يعطيك الف عافيــــــــــــــة

[شمــوخ]

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه
رائعه

[kamilya]

تسلم على هذه الكلمات الرائعة الله يعطيك العافية